အသက်ကယ်ယတြာ

တစ်နေ့သ၌ မဟာချိုင်-နေ၀စ်ရှိ ကျွန်ုပ်၏ ဗေဒင်လက္ခဏာ ဟောခန်းကလေးရှိရာသို့ အသက်သုံးဆယ့်ငါးနှစ် ခန့်ရှိသော ထောင်ထောင်မောင်းမောင်း အမျိုးသားတစ်ဦး ရောက်ရှိလာလေ၏။

ဗေဒင်ဆရာရှိသလား...ဟုလေသံခပ်မာမာဖြင့်မေး၍ ကျွန်ုပ် အခန်းထဲသို့ဝင်ထိုင်လေ၏။ ကျွန်ုပ်သည်လည်း မျက်နှာကြော ခပ်တင်းတင်းဖြင့် တစ်လောကလုံး သူ၏ လုပ်စာကိုထိုင် စားနေရသော မျက်နှာမျိုး ဖြစ်နေ သော အနှီသတ္တ၀ါကို မသက်မသာ အကဲခပ် ကြည့်ရှုရင်း ကျွန်ုပ်၏ စိတ်တွင်းမှ

အင်း……ဒီလူ့ ရုပ်ကြည့်ရတာ ဗေဒင် ဟောခန်းတွေကို ရောက်ဖူးပုံ မပေါ်ဘူး။ ဗေဒင်တွေ ဘာတွေကိုလည်း ယုံကြည်မယ့်ပုံမရဘူး။သူ့ ဝတ်ပုံစားပုံကြည့်ရတာ အဆင့်အတန်းတော့ ရှိပုံရတယ်။သူ့ စိတ်နဲ့ သူဆိုရင်တော့ ဗေဒင်ဆရာဆီ လာမှာမဟုတ်ဘူး။ နောက်က တစ်ယောက်ယောက်က အတင်းလွှတ်လိုက်လို့သာ မလာချင် လာချင်နဲ့ လာရတာနေမှာ ဟုတွေးလိုက်မိ၏။ 

ထိုအမျိုးသားသည် အခန်းထဲတွင် တစ်ယောက်ထဲ ထိုင်နေသော ကျွန်ုပ်ကို ခပ်တည်တည်ဖြင့် ကြည့်ကာ ဟေ့လူ ဗေဒင်ဆရာ ဘယ်သွားလဲဟု ရင့်ရင့်သီးသီး ထပ်၍ မေးလေ၏။ ကျွန်ုပ်လည်း ၎င်းကို ကြည့်၍စိတ်ထဲ တွင်း ထောင်းကနဲ ဒေါသထွက်လာ၏။ မခံချိ မခံသာ ဖြစ်မိ၏ ။ ဒီလောက်တောင် ယဉ်ကျေးသိမ်မွေ့ မှု မရှိတဲ့ လူကို ကိုယ်က ချိုချိုသာသာပြောနေလို့ လည်းအပိုပဲ။ သူ့လေသံမာတော့လည်း ကိုယ့်လေသံလည်း မာရတာ ပေါ့ဟု တွေးရင်း.........

ဟေ့လူ ဗေဒင်ဆရာက ကျုပ်ပဲ။ ဒီအခန်းထဲမှာ ထိုင်နေတာကျုပ် တစ်ယောက်ထဲပဲရှိတယ်။ ခင်ဗျား မမြင် ဘူးလား...ဟု ကျွန်ုပ်လည်း လေသံခပ်မာမာဖြင့် ပြန်၍ ဘုတော တောလိုက်လေ၏။ ထိုပုဂ္ဂိုလ်သည် ကျွန်ုပ်၏ စကားနှင့် လေသံကြောင့် ခေတ္တခဏမျှ ကြောင်အမ်းအမ်း ဖြစ်သွားလေ၏။ အံ့လည်အံ့သြ သွားပုံရ၏။ သူကြိုတွေးထားသော ဗေဒင်ဆရာဆိုတာ အသက်ခပ်ကြီးကြီး၊ တိုက်ပုံ အင်ကျီနဲ့ ၊ကျက်သရေ ခေါင်း ပေါင်းကြီးနဲ့ဟု တွေးထားလေသလား မသိ။ ပိတ်ဖြူစင် ကြယ်ဝတ်ပြီးအသက် ခပ်ကြီးကြီးနဲ့ ဟု တွေးထားလေသလား မသိ။ သမားဆိုအိုမှ…ဟူသော ရှေးရိုး အယူအဆများနှင့် စိတ်ထဲစွဲနေလေသ လားမသိ။ 

တိုးတက်နေသော ဒီနေ့ မျက်မှောက်ခေတ် ကာလကြီးထဲမှာတစ်ကမ္ဘာလုံး လူကြီး လူငယ်မရွေး ဗေဒင် ပညာနဲ့အဆင့် အတန်း ရှိရှိသိက္ခာ ရှိရှိရပ် တည်နေကြတာ ဒီလူကြီး သိပုံမရ ဗေဒင်ဆရာတွေ အင်တာနက် ပေါ်တက်ပြီး ကိုယ်ပိုင်ဝဘ်ဆိုက်တွေ တည်ထောင်၍ တစ်ကမ္ဘာလုံးကို အွန်လိုင်းကနေဗေဒင် ဟောပေး နေကြတာ ဒီိလူကြီးသိလိမ့် မည်မထင်။

ကဲ…ပြော ကျွန်တော် ဘာလုပ်ပေးရမလဲဟု ကျွန်ုပ်က မေးလိုက်လေ၏။ ထိုအခါ ၎င်းက ကျွန်တော့် မိန်းမ နေမကောင်းလို့ ပါ…ဟု ပြောလေရာ ကျွန်ုပ်က

ခင်ဗျား မိန်းမ နေမကောင်းရင် ဆေးခန်းပို့ ပေးလိုက်ပေါ့ဗျ။ ဆေးခန်းနဲ့  မရရင် ဆေးရုံ တင်လိုက်ပေါ့။ အဲဒီ မှာ ဆေးပညာ ကျွမ်းကျင်တဲ့ ဆရာဝန်တွေရှိတာပဲ။သူတို့ ကု ပေးမှာပေါ့။ ဗေဒင်ဆရာက ဆေးပညာတော့ ဘယ်နားလည်မလဲ…မဟုတ်ဘူးလား ဟုပြောလိုက်ရာ ၎င်းအမျိုးသားက

ဆေးခန်းတွေ ဆေးရုံတွေလည်း စုံနေပြီ။ ကောင်းတယ် တော်တယ်ဆိုတဲ့ ဆရာဝန်တွေနဲ့လည်း လိုက်ကု နေတာပဲ။ ငွေဘယ်လောက် ကုန်ကုန် ရောဂါ ပျောက်ရင်ပြီးရောဆိုပြီး လိုက်ကု နေတာလဲကြာနေ ထူးခြား မလာဘူး။ ရောဂါက သက်သာ မလာဘူး။ ပြောရရင်တော့ ရောဂါနဲ့ ဆေးမတိုးဘူးဖြစ်နေတယ်။ 

အဲဒါ အသိတစ်ယောက်က ဆရာဟိန်းတင့်ဇော်ဆီ သွားကြည့်ပါလား။ သူ့ တုန်းကလည်းဆရာ ၀န်ကုသတာ ဆေးမတိုးဘူး။ မြန် မာပြည် တောင်ပြန်တော့မလို့ ။အဲဒါတခါပဲ ယတြာချေရတယ် ။ဆေးတိုးပြီး ရက်ပိုင်း အတွင်းရောဂါတွေ ပျောက်သွားတယ်။

အဲဒါရှင်လည်း ရှင့်မိန်းမ အတွက် သွားမေးကြည့် ပါလားလို့ လမ်းညွန်လိုက်လို့ ကျွန်တော်ရောက်လာခဲ့တာပါ ဟုပြောလေ၏

ထိုအခါ ကျွန်ုက

ခင်ဗျားကြည့်ရတာ ဘုဆတ်ဆတ်နဲ့ ဗေဒင်တွေဘာတွေကောယုံ ကြည်မှု့ ရှိမယ်မထင်ဘူး။ခင်ဗျား ဆက်ဆံ ရေး ကလည်း မလွဲသာမ ရှောင်သာလို့ ဆက်ဆံနေရတဲ့ပုံပဲဟု... ကျွန်ုပ်၏ စိတ်ထဲတွင် မခံချိမခံသာ ဖြစ်လွန်းသဖြင့် ထုတ်ဖော်ပြောမိလေ၏ ထိုအခါ ထိုလူက

အော်…ဆရာကြည့်ရတာကျွန်တော့်ကို အထင်လွဲနေပုံရတယ်။ ကျွန်တော်က ဗေဒင်ပညာကို ယုံ ပါတယ်။ ဒါပေမဲ့ဗေဒင်ဆရာတွေ ကိုသာ မယုံတာ"ဟု ပြန်ပြောလေ၏။

ဟုတ်တယ်လေ… ကျွန်တော်က ဗေဒင်ပညာကိုယုံပါတယ်။ စစ်မှန်တဲ့ ဗေဒင်ပညာဆိုတာ တွေကလည်း အမှန်တကယ် ရှိခဲ့တာပဲမဟုတ်လားဆရာရဲ့။ မြန်မာ့သမိုင်းမှာပဲ ကြည့်ကြည့် ကမ္ဘာသမိုင်းမှာပဲ ကြည့်ကြည့်၊ ရာဇ၀င်မှာပဲကြည့်ကြည့်၊ သာသနာဝင် ကိုပဲကြည့်ကြည့် ဗေဒင်ပညာနဲ့ ဗေဒင်ဆရာ တွေရဲ့အခန်း ကဏ္ဌဟာ အထင်ကရ ပါဝင်လာခဲ့တာပဲ မဟုတ်လား။ ဆရာတို့ ကျွန်တော်တို့ ကိုးကွယ်ပြီး အထွတ်အမြတ် ထားတဲ့ မြတ်စွာဘုရား သခင်လည်း ဗေဒင်ပညာကို မပစ်ပယ်ခဲ့ပါဘူး။ မဆန့်ကျင်ခဲ့ပါဘူး။ လောက၀တ် တစ်ခု အနေနဲ့ ထားခဲ့တာပဲမဟုတ်လား။ 

ရာဇ၀င်တွေထဲမှာ ဆိုရင်လည်း တိုင်းပြည် အုပ်ချုပ် မင်းလုပ်နေတဲ့ ဘုရင်တွေရဲ အနားမှာ ဗေဒင်ပညာရှင်တွေ ဟာ အရေးကြီးတဲ့ ဆုံးဖြတ်ချက် တွေချဖို့ အတွက် အကြံပေး ပုဂ္ဂိုလ် တွေအဖြစ် သမိုင်းမှာ မှတ်တမ်းဝင်ခဲ့ကြတာ စာပေဗဟုသုတရှိတဲ့ လူတိုင်းအသိပဲ။ ကမ္ဘာ့သမိုင်းစာ မျက်နှာ တွေကိုရောကြည့်ဦးမ လား။ စစ်ဘုရင် နပိုလီယံရဲ့ ဂမ္ဘီရ ပညာရပ်တွေ၊ ဇာဘုရင်တွေရဲ့ ဗေဒင်ယုံကြည်မှု့ တွေ ကမ္ဘာကျော် လက္ခဏာဆရာ ကြီး ကိုင်ရိုရဲ့  ဟောကိန်းတွေ၊ သာဓကဖြစ်ရပ် တွေအများကြီးပဲ။ ပြောပြရရင် တော့ ကုန်နိုင်မှာ မဟုတ်ဘူး။ အဲဒီလို အစဉ်အလာကြီးမားခဲ့တဲ ဗေဒင်ပညာကို မယုံကြည်ဘူးလို့  ကျွန်တော်က ပြောမယ်ဆိုရင် ကျွန်တော်ဟာ ရီစရာကောင်းတဲ့ အရူးတစ်ယောက် ဖြစ်သွားမှာပေါ့ ဟု ရှည်လျှားစွာ ပြောပြလေ၏။

ထိုအခါ ကျွန်ုပ်၏ စိတ်တွင်း၌ အော် ဤသူသည်ကားဗေဒင်သမိုင်းကြောင်းကို ဗေဒင်ဆရာတွေ ထက်တောင် ပိုသိအောင် စေ့စေ့စပ်စပ် လေ့လာ ထားတဲ့ သူပါလား။ တောရုံတန်ရုံ သာမန် ဗေဒင်ဆရာ တစ်ဦးတောင် သူလောက် သိမှာမဟုတ်ဘူး…ဟုစိတ်ထဲမှာ တွေးမိလေ၏။ ထို့ ကြောင့်ကျွန်ုပ်က

အင်းဟုတ်တယ်ဗျ။ ခင်ဗျား ပြောပြမှပဲကျုပ်တို့ ဗေဒင်ဆရာ တွေရဲ့  ဘ၀ဟာ အစဉ်အလာကြီးမားတဲ့ သိက္ခာ ရှိတဲ့ အတတ်ပညာ တစ်ခုနဲ ရပ်တည်နေတဲ့ လူတွေဆိုတာကို အခုခင်ဗျားပြောမှပဲ သိတော့တယ် အမှန်အတိုင်း ၀င်ခံရရင် ကျွန်တော်တောင် ခင်ဗျားလောက် သေသေချာချာ စေ့စေ့စပ်စပ် မသိဘူးလို့ ၀န်ခံရမှာပဲ…  ဟု ကျွန်ုပ်က ပြောရလေ၏။

မှန်ပါတယ်ဆရာရယ်။ အဲဒီလို အစဉ်အလာ ကြီးမားတဲ့ ဗေဒင်ပညာရပ်တွေဟာ စိတ်ဓါတ်သေး သိမ်ပြီး သဘောထား အမြင် ကျဉ်းမြောင်းတဲ့၊ ကိုယ်အတ္တကိုသာ ရှေ့ တန်းတင်လေ့ရှိတဲ့ ၊ ငွေရဖို့  တစ်ခုထဲကိုသာ ကြည့်တတ်တဲ့ လူတွေ လက်ထဲကိုလည်း ရောက်သွားရော အရမ်းကိုလူတွေ အထင်သေးစ ရာဖြစ်သွား တာပေါ့ဗျာ။ မဟုတ်ဘူးလား ။ ဒါတွေ ထားလိုက်ပါဆရာရယ်။ ကျွန်တော်လာရင်း ကိစ္စကိုပြောကြရ အောင်နော် ဟုပြောလေ၏။

ကျွန်ုပ်သည်လည်းထိုလူနှင့် စကား ကြာကြာ ပြောမိသဖြင့် ၎င်း၏ အတွင်း စိတ်နေစိတ်ထားများကို မြင်လိုက် ရပြီဖြစ်ရာ မကျေမနပ်ဖြစ်နေ သောစိတ်များလည်း အစောကပင် ပြေပျောက်သွးပြီဖြစ်၏။ ထိုကြောင့် အေးဗျာ ခင်ဗျား အမျိုးသမီး အကြောင်းပြောကြရအောင်ဗျာ။ မပြောခင် ကျွန်တော် ခင်ဗျားအမျိုးသမီးရဲ့  ဇာတာကို အရင် စစ်ကြည့်ရမယ်။ တစ်ခါတလေ လူတွေရဲ့ စိုမိုးနေတဲ့ သက်ရောက် ကံဇာတာတွေ အရမ်းညံ့နေပြီဆို ရင်တော့ အဲဒီလို ရောဂါကုသလို့  မရတာ ဖြစ်တတ်တယ်။ နောက်ပြီး သူတပါးက မကောင်းတဲ့အတတ် တွေ အောက်လမ်း အတတ် စုန်းအတတ် ပယောဂ အတတ်တွေနဲ့ ပြုစားခံ နေရပြီဆိုရင်လည်း နေမကောင်း ဖြစ်တတ်တယ် ရောဂါနှင့် ဆေးမတိုးဘူး။ မသက်သာဘူး။ အဲဒီလို အခါမျိုး ဖြစ်နေပြီ ဆိုရင် လည်း ဘာမှမပူပါနဲ့ ။ ကျွန်တော်တို့ အဘမင်းသိင်္ခ လူနာတွေကို အမြဲ ယတြာ ချေပေးလေ့ရှိတဲ့ အသက်ကယ် ယတြာတွေရှိပါ တယ်။ကျွန်တော် အပြည့် အစုံ ဆောင်ရွက်ပေးလိုက်ပါမယ် ဟုအားပေး စကား ပြောရလေ၏။ထိုအ ခါ ၎င်းက

ဟုတ်ကဲ့ ကျေးဇူးတင်ပါတယ် ဆရာ။ ကျွန်တော် ဘာတွေ ဆောင်ရွက်ပေးရမလဲ။ ဘာတွေ လိုအပ်လဲ အကောင်းဆုံးဖြစ်အောင် ဆရာပဲ ဆောင်ရွက်ပေးပါဟု ပြောလေ၏။

အခု လောလောဆယ်တော့ အဘမင်းသိင်္ခရဲ့ သင်္ဘေသီးကြက်လျှာ -အသက်ကယ် ယတြာ ဆောင်ရွက် ပေးလိုက်ပါ့မယ်။ ကျန်းမာရေး ကောင်းစေတဲ့ ရောဂါပျောက်ကင်း စေတဲ့အဆောင် လက်ဖွဲ့တစ်ခု လည်း စီရင်ဆောင်ရွက် ပေးလိုက်မယ်။ နောက်နေ့ကြရင် တော့ ခင်ဗျားအမျိုးသမီး အတွက်တစ် ခေါက်ပြန်လာခဲ့ပါ။ မကာရ လောပ မတစ်လုံးကျေ ဆရာတော် ခင်ကြီးဖျော်ရဲ့  အထက်ဆောင်ပန်း အောက်နင်းကြမ်း ယတြာနဲ့ချေပေးပါဦးမယ်

ဟုပြောကာတဖက်တွင်ဖော်ပြထား

သော သင်္ဘောသီး ကြက်လျှာ အသက်ကယ် ယတြာကိုဆောင်ရွက် ပေးလိုက်လေ၏။ ထိုသူလည်း အလာတုန်း ကလို မျက်နှာကြီး သုန်သုန်မှုန်မှုန်နှင့် မဟုတ်တော့ပဲ ပြုံးရွင်သော သဘော ကောင်း၍ ဖော်ရွေသော မျက် နှာထားဖြင့် လွတ်လတ် ပေါ့ပါးသော ခြေလှမ်းများဖြင့် ကျွန်ုပ်၏ ဗေဒင်လက္ခဏာ ဟောခန်းအတွင်းမှ ပြန်သွားလေတော့သတည်း။

သင်္ဘောသီးကြက်လျှာအသက်ကယ်ယတြာ

ယတြာချေရာတွင် အသုံးပြုသော ကြက်လျှာရောင်စုံ ၉လက်တွင် လူနာ၏ နေ့သား အမည်တို့ကို ထည့်၍ ဆုတောင်းစာ ရေးပါ။

ဥပမာ တနင်္လာသား ဟိန်းတင့်ဇော် ကျန်းမာရေးကောင်းပါစေ။

တနင်္လာသား ဟိန်းတင့်ဇော် အဖျားရောဂါပျောက်ပါစေ

တနင်္လာသား ဟိန်းတင့်ဇော် အဆုတ်ရောဂါပျောက်ပါစေ

တနင်္လာသား ဟိန်းတင့်ဇော် ရောဂါနှင့်ဆေးတိုးပါစေ။

တနင်္လာသား ဟိန်းတင့်ဇော် ဆရာကောင်းသမာကောင်းတွေ့ပါစေ

အစရှိသည်ဖြင့် ကြက်လျှာ(၉)လက်စလုံး ပြည်အောင်ရေးပါ။

ထိုနောက် ကြက်လျှာ(၉)လက်ကို သင်္ဘေသီး အညှာဘက်မှာ စိုက်ပါ။ ပြီးရင် အောက်ဘက်မှာ ကြွေပုဂံလုံး တစ်လုံးခံ၍ ထောင်ပါ။ ပြီးရင် အညှာပေါ်တွင် ဖယောင်းတိုင် မနက်တစ်တိုင် ညတစ်တိုင်ထွန်းပါ။ ထိုယတြာကို ပြုလုပ်ပါက ဆရာဝန် လက်လျှောသော လူနာများပင် ပြန်ကောင်းလာ တတ်ပါသည်။ ကြီးကြီးမားမား ရောဂါများပင် ပျောက်ကင်းဖူးသည်မှာ အတော်ပင် များပြားစွာ တွေ့ကြုံဖူးပါ၏။ ထို့ကြောင့် ကျန်းမာရေးကိစ္စကို အကြောင်းပြု၍ အခက်အခဲကြုံတွေ့နေရသော သူများအတွက် စေတနာကောင်းဖြင့် ဖော်ပြပေးလိုက်ပါသည်။